Macluumaad af-Somali

Golaha shacabka ee magaalo cagaaran oo dadka dhan u furan

Ka qeybgal shaqada lagu gaarayo yoolalka deegaanka iyo cimillada ee magaalada 2030

Golaha shacabka ee Göteborgs Stad wuxuu diiradda saarayaa sida aan u abuuri lahayn magaalo cagaaran oo dadka dhan u furan.

Göteborg way koraysaa, innagoo badanna waxaan wadaagaynaa waddooyinka iyo fagaarayaasha. Baahiyo badan ayay tahay in la gaarsiiyo goobaha jira: nolosha iyo goobaha lagu kulmo, doogga, ganacsiga, adeegyada iyo hababka kala duwan ee socdaalka. Waxaa kaloo na horyaala loollan ah in la abuurro magaalo leh ikooloji waara iyo cimillo dhexdhexaad ah 2030. Si aan ugu guulaysanno waa inaan hadda isbeddelnaa.

Magaalada Göteborg waxay arrimaha cimillada iyo deegaanka ka leedahay hammiyo sare. Waxaad halkan ka akhrin kartaa barnaamijka cimillada iyo deegaanka ee magaalada Göteborg: Göteborgs Stads miljö- och klimatprogram 2021-2030 (Linki dibadda ah, af Iswiidhish)

Ujeeddo

Inta lagu guda jiro xilliga dayrta-guga 2025–2026 waxaa la fulinayaa golaha shacabka halkaas oo ay dadweynaha Göterbog u soo gudbinayaan tallooyiin siyaasiyiinta si sare loogu qaado fursadda gaarista yoolka cimillada iyo deegaanka ee magaalada Göteborg 2030.

Dadaalka bilowga golaha shacabka wuxuu ka yimid golaha deegaanka (kommunfullmäktige) oo magaalada faray samaynta nidaamka golaha shacabka.

Halkaan ka sii akhri shaqada dimuqraadiyadda ee magalada: Så kan du påverka och vara delaktig (Linki dibadda ah, af Iswiidhish)

Maamulka

50 qof ayaa kulmaya afar sabti, mid kasta wuxuu socon doonaa 6 saacadood. Taariikhaha kulamada weli lama go’aamin.

Labada kulan ee hore waxay diiradda saarayaan aqoonuruurin iyo fursad ay xubnaha isku bartaan. Kulamada kale waxaa bilaabanaya shaqada lagu baadigoobayo tallooyinka ay golaha shacabka ka sii shaqayn doonaan.

Kulanka ugu horreeya iyo kan ugu dambeeya waxaa joogaya siyaasiyiin ka socda guddiga deegaanka ee magaalada si ay si rasmi ah golaha u furaan una qabtaan tallooyinka.

Waxaa kaloo joogi doona dad dibadda ka ah oo leh dowrka goobjooge ah oo eegaya sida howsha iyo wadahadallada ku socdaan.

Sookoobid

Dad dhan 1200 oo deggan Göteborg, una dhexeeya 16 iyo 90 jir ayaa lagu casuumay golaha shacabka. Kulli inta loogu yeeray ayaa foom ugu soo gudbin kara danayntooda ka qeybqaadasho ee golaha shacabka, waxaana laga jawaabayaa su’aalo ay ka mid yihiin da’da, jinsiga, heerka waxbarasho iyo heerka dakhli. Inta soo gudbisay danaynta 50 ka mid ah ayaa si bakhtiyaa nasiib ah loogu xulayaa kursi ka mid ah golaha shacabka. Waxa aan rajaynayno in aan gaarno ayaa ah Göteborg-yar halkaasoo xitaan aan gaarayno koox naadir uga qeybqaadata wadahadallada ay Göteborgs Stad dadka ugu yeerto.

Weydiinta

Sideed u aragtaa ka Göteborg ahaan ayaan mudnaanta u kala siinnaa meelaha ku yaal waddooyinka iyo fagaarayaasha – inta u dhexeysaa nolosha magaalada, doogga iyo gaadiidka?

Qabanqaabiye

Göteborgs Stad oo kaashanaysa Digidem lab

Arrimaha

Mowduucyada deegaanka iyo cimillada, horumarinta magaalada

Kuwa ka qeybqaadanaya

Golaha shacabka waxaa ka qeybqaadanaya, ka sokow xubnaha golaha, xitaa siyaasiyiin, shaqaaIe dowladeed, khubarrada mowduuca golaha shacabka horyaala iyo goobjoogayaal. Gebi ahaan kuwani waxay leeyihiin dowrar kala duwan oo waxay ka qeybqaadanayaan xilliyo kala duwan ee kulamada golaha.

Maxaa la go’aaminayaa

Golaha shacabka waxay diyaarinayaan tallooyin siyaasiyiinta guddiga deegaanka ee magaalada ay qabanayaan.